Logo

Eg tok utgangspunkt i forbokstaven min, stor R, og hadde som intensjon å lage eit bilde der tekst- og logoelementa stod fram som ein heilskap. Eg brukte Photofiltre og laga ein del utkast med ulik tjukkelse på strekane, ulike skrifttypar og fargar. Til slutt jobba eg litt meir med plasseringa i logoramma, slik at balansen på sida skulle bli omtrent slik eg ynskte.

Arbeidskrav I Oppgåve 2 - Komposisjon - Attraksjon

Refleksjon:
Objekta i komposisjonen er sett saman med tanke på å vise at det verkar krefter mellom formatavgrensingar og biletobjekt, og mellom dei ulike biletelementa.
Her er fire parallelle rekker med mindre objekt som er plasserte med stadig mindre avstand mellom kvart. Eg har med dette prøvd å illudere ein jamn straum av objekt med rørsleretning mot venstre, og med ei kraft som påverkar det største biletelementet. Krafta er størst øverst og samla kraft forplantar seg i det store rektangelet og søkjer å presse dette ut av likevekt og ut av biletflata-

Arbeidskrav I Oppgåve 2 - Komposisjon - Kontrast og djupne

Refleksjon:
Komposisjonen er sett saman av negative former på ei svart flate. Dei kvite objekta har to rammer, ei svart og brei, og ei smal, kvit ytterst. Den smale, kvite avgrensinga av kvart objekt er brukt for å visualisere ei overlapping. Biletobjekta er plasserte langs tenkte forsvinningslinjer for å illudere djupte i komposisjonen

Arbeidskrav I Oppgåve 2 - Komposisjon - Rytme

Refleksjon:
Komposisjonen er bygd opp av loddrette bordar der avstanden mellom dei repeteret objekta er eins. Frekvensen er jamn.
Her er to typar bordar som er sette saman på same måte, men som har ulik tyngde. Tyngdeverknaden er freista illudert ved bruk av mørk og lys farge, og ved at bordane har ulik størrelse på elementa.
Det symmetriske inntrykket er meint å skulle forsterke ei jamn rytme.

Arbeidskrav I Oppgåve 2 - Komposisjon - Rørsle

Refleksjon
Objekta er plasserte på biletflata for å illudere ein aktivitet, - ei rørsle. Objekta er repeterte og plasserte langs ei tenkt linje, i ei bane i bogeform for å skape ei kontinuerleg rørsle. Eg opplever at rørsleretninga er frå nedre avgrensing av formatet og opp og ut til høgre. Objekta i komposisjonen pressar på kvarandre i "svingen" og skyt fart ut av biletflata.

Arbeidskrav I Oppgåve 2 - Komposisjon - Balanse

Refleksjon:

Komposisjonen er eit forsøk på å skape balanse mellom objekta på biletflata. Det største objektet er plas­sert ut mot venstre kant av formatet for at kreftene skal skape ei dragning utover.
Dei fire mindre objekta har til saman same flate som det eine store. Dei er plasserte med noko avstand mellom kvarandre og skaper såleis eit tyngre visuelt inntrykk. Gruppa med objekt er difor trekte litt lenger inn på vektarmen for å skape balanse i komposisjonen.

Arbeidskrav I - Oppgåve 2 - Komposisjon - 1: Harmoni

Refleksjon:
Målet med denne komposisjonen, var for meg å skape eit harmonisk uttrykk med PC som reiskap og med den geometriske forma, rektangel som einaste biletelement.
Eg valde ulike graderingar av svart, med bakgrunnen som det lysaste. Eg ville skape tyngde i botnen og valde difor ein bord, mørke "mursteinar", repeterte, sidestilte og forskyvd i forhold til kvarandre som i ein mur. Eg valde litt store former i botnen med sikte på å skape ei tryggleikskjensle hos den som ser.
Objekta har jamn frekvens, - også med sikte på å skape harmoni. Eg valde bevisst å unngå bruk av heilt svart, anna enn i ramma. Graderingane i biletelementa vert lysare oppover. Omlag to tredeler oppe i biletet laga eg ein bord av mindre og sidestilte rektangel, for å prøve å gje ein roleg og fredeleg assosiasjon, kanskje til ei horisontlinje.
Øverst i biletflata har eg plassert to lyse og symmetriske grupper av rektangel, ordna i to rekker med horisontal retning. Eg håpar med dette å gje ei oppleving av lette skyer.
Tanken er å gje sjåar ei trygg og enkel oppleving av harmoni ved repeterande bruk av same biletelement og nytte aktivitetar og relasjonar som understrekar bodskapen.