Fasaden min

Slik vart fasaden til slutt. Berre dørhandtaket manglar på dette biletet.

God sommar!

Leksjon 4 - Digital konstruksjon i #D med Google sketchup

Refleksjon: Dette har vore ei lærerik utprøving av eit verktøy som m-a. kan gje meirverdi i arbeidet med å nå måla i undervisninga i arkitektur i Koh.

Sidan skulen vår ikkje ligg inne i "Kart i skolen" (skulenamnet ligg der, men teiknig og plassering er feil) gjorde eg dei ytre måla manuelt og reiste så bygget i Sketchup utan å ta med innvendige løysingar. Målet mitt var å gjere meg erfaringar med dei ulike verktøya innan programmet.

Eg erfarte tidleg i prosessen (etter å ha gitt meg på eit - for meg - vanskeleg hus) at det er viktig å starte med eit enkle prosjekt i skulen. Eg trur elevane vil ha større glede = motivasjon til å lære meir viss dei startar med enkle former, som t.d. fuglehus, foringsbrett, leikehytte, utløer, pumpehus, stabbur el.l.

Undervegs prøvde eg m.a. ut å plassere objekt inn i min modell og bruke foto som tekstur. I innleveringa er bordkledning laga manuelt, kopiert og dekka flater med. Fototeksturane vart ikkje beine pga for dårleg fotomateriale. Eg brukte difor teksturar so ligg i Sketchup.

Etter å ha lansert og prøvd programmet i klasserommet, ser eg at ein del 7.klasseelevar raskt meistrar programmet så godt at dei held fram på eiga hand, men at individuell rettleiing, gjerne i kombinasjon med bruk av videokanon for heil klasse, er heilt naudsynt i den første fasen i bruken av dette programmet i undervisninga.

Skal det vere ei dør?

Til inspirasjon: Desse dørene høyrer til på Paros (Hellas). Fotograf: Øystein Eide

Leksjon 5: "fasaden min"

Rosa lappar fungerer godt for meg, men eg torer vel ikkje å ta det med i prosessdokumentasjonen min, sjølv om min prosess gjerne kan sjå slik ut til tider. :-)

Tankar om prosess
Fasasen min vert ein fasade med utgangspunkt i sveitserhuset eg har jobba med tidlegare. Eg brukar element frå huset og lagar ei ny fasadeløysing der eg prøver å få fram stiltypiske element både når det gjeld dekor og heilskapeleg uttrykk.

Eg har laga mange skisser i planarbeidet og har bestemte tankar for korleis dette skal sjå ut til slutt.

Eg lagar først ein enkel modell i papp i målestokk 1:30 for betre å kunne vurdere heilskapeleg uttrykk. Her vert det sparsamt med dekordetaljar.

Etterpå vil eg bygge fasaden på lekter,- bordkledning og etterpå ta nøyaktige mål for produsering og montering av dekorelement. (Eg tvilar på om dekorelementa på sveitsarhus var førehandsproduserte ut frå ferdige målsette teikningar og så sett rett på huset utan tilpassing)

Dekorelementa vil på grunn av ein nokså liten modell, bli noko forenkla i høve den rikt "utsmykka" sveitserstilen.

Arbeidsbok
Eg lagar ei arbeidsbok i "Adobe indesign" med tekst, skisser, arbeidsteikningar, VP og PP, biletdokumentasjon og ev. sketchupbilete viss eg finn at eg i planfasen kjem lenger med 3d i tillegg til vanlege arbeidsteikningar. Trykking / utskrift på fotopapir. Fomat: "Landscape" ca 210*200mm

"11 arkitektar byggjer hus"

På heimesida til skulen vår, Angedalen skule, har eg lagt ut ein liten artikkel som viser "Garasjeoppgåva" vår i bruk i ei gruppe på 6./7. trinnet.

Lenke: http://www.angedalenskule.no/

Arkitektur som tverrfagleg emne, lokal plan

Kort skisse for undervisningsopplegg

Arkitektur som tverrfagleg emne

Mellomtrinnet 6./7. steget. Angedalen skule,- (fådelt skule)

Fag:

Samfunnsfag (ca 6t), Natur og miljø(ca.6t), Kunst og handverk(ca. 60t) ), matematikk (ca.10t) , norsk(ca.10t), mat og helse (3.t) og musikk (ca. 5.t) til saman ca.100t.

Skulen si konkretisering (nedbryting) av kompetansemål i arkitektur-relaterte emne i dei ulike faga ligg i botnen for opplegget. Vil ikkje bruke plass på det i ei slik lita undervisningsskisse.

1) Motivasjonsfase:

a) Ei kort forteljing frå litteraturen

b) Bruke arbeidsbok i arkitektur og teikne / skrive kort om så mange ulike typar hus som mogleg: Felles brainstorming. Verktøy: ulike skjema (døme: Lotus, styrkenotat osv). Ein type hus pr. side/ dobbelside. Tips: Tenk på menneska gjennom tidene, dyr, ulike byggjematerialar, ulike byggjeteknikkar for å få eit hus til å tole ver og vind. Enkel, lira teikning og kort tekst som eit utgangspunkt. Vidare utfylling seinare i emnet.

2)Konkretisering. Utforsking

Finne døme på nokre av desse hustypane. Gåavstand i nærmiljøet (utforskingsfase). Ta bilete, lage skisser. Plassere skisser og bilete på aktuell side i arbeidsboka. (Aktuelle: Fuglereir, fugleholkar, hakkespetthol, kvernhus (grindbygg), tømmerhus, mursteinhus, hus i betong, hus med grunnmur /gavl i gråstein, reisverk m.m.

3) Gåtur i nærmiljøet

Tur til grindbygget (Restaurert kvernhus like ved skulen.) Teikne, lage intervju, foto. Etterarbeid i norsk, matematikk, mat og helse og samfunnsfag. Kornrelatert uv. i Mat og helse. Ta mål av kvernhuset. Teikne huset i målestokk.. Lage enkel etterlikning i 3D (sketchup) Teikne på papir/ evt. lage enkel kvernkall. Val i 3D-modellering: Kvernhuset eller eit fuglehus slik du vil ha det.

4) Teori:

Historiske grunntrekk i byggjestil / stilepokar, særtrekk i natur / landskap som har vore med og forma den lokale byggjeskikken.( Kunst og h.verk, natur og miljø,samf.fag)

5) Praktisk arkitektur på verkstad

Begynne på bygg (Tilrettelagd ”garasjeoppgåve” der elevane brukar utlevert teikning av enkel garasje, målsett med målestokk. Elevane gjer om til eigen enkel bustad, endrar målestokk og lagar ny arbeidsteikning. Like ytre mål. Byggjer med tilrettelagde materialar som for ein stor del lærar sagar i rette lengder. Kler ytre og indre veggar med sjølvvald materiale (teksturtenking)Lagar enkel innreiing (bord, stolar, lamper osv. i dertil eigna materialar (t.d. einer eller bjørk) Dei elevar som har lyst, modellerer huset sitt i Sketchup (mest heimearbeid) (Kunst og h.verk + eit par timar matematikk)

6) Besøk av eldre fagfolk

Besøk av byggmester (bruke foreldre/besteforeldre som er /har relevant erfaring. Presentere dei byggverka elevane held på med. Få respons.

7) Ekskursjon

Besøkje ulike typar hus (vekt på stilepokar) som finst i nærmiljøet og Førde sentrum (busstur). Besøkje arkitektkontor. Eigarane av bygga / arkitektar fortel. Besøkje sveitserhuset: ”Villa Solhaug”. Ta bilete, lage skisser av bygningsdetaljar , spesielt dekorelement. (Heil dag)

8) Etterarbeid etter ekskursjon

Bruke bilete og presentasjon av ”Villa Solhaug” som etterarbeid etter besøk. Vekt på konstruksjonsprinsipp, dekorelement, funksjon, stilepokar, estetikk i presentasjonen.

9) Eigne meiningar om estetikk og funksjonalitet

Elevane brukar pedagogiske verktøy (ulike skjema) i forarbeid til eigne tekstar (faktatekstar og tekstar der dei grunngjev synspunkt på estetikk og funksjonalitet. Utgangspunktet kan vere den kjensgjerning at Førde i ei noko useriøs avstemning vart kåra til Noregs styggaste by for nokre år sidan…. Invitere t.d. utval for byfornying og andre til utstilling. (Dei kjem nok om dei blir spurde) Norsk og samf.fag)

10) Eiga utstilling

Elevane lagar si eiga utstilling av tekstar og bilete, arbeidsbøker, sjølvbygde husmodellar, gjerne også kombinert med eldre byggjereiskapar som familiane har på garden. Invitere heimane til utstilling og fest. Song og musikkinnslag som gir tilskot til emnet arkitektur. Skulen har tidlegare arrangert og stått for det faglege innhaldet i møte i det lokale historielaget i Førde. Dette kan gjerast igjen. Tema t.d: ”Lokal arkitektur sett gjennom barneauge”.

11) Etterarbeid:

a) Norskfaget gjev rom for fleire typar tekstskriving: Intervju, faktatekstar, meiningsinnlegg, fantasitekstar (Kvar haust høyrer dei merkelege lydar på høgeloftet i ”Villa Solhaug”)

a) Evaluering av emneopplegg: Skjema og samtale.

b) Evaluering av læring: Nytte skulen sitt system (Målark i dei aktuelle læringområda innan kvart fag) Kvar elev legg noko av arbeidet (Målark, tekstar, teikningar, foto mm.) inn i sin portfolioperm / digitale portfoliomappe.

Leksjon 6: "Vil du høyre livshistoria mi?"

Dette førebelse oppgåvesvaret er publisert i sjangeren artikkel. Programmet som er brukt: Adobe Indesign, som er eit tekst/bilete-redigeringsprogram. For å kunne gjere artikkelen tilgjengeleg for andre enn dei som har dette programmet på si maskin, måtte eg eksportere til Pdf, lavoppløyseleg fil og så lagre kvar side som bilete for å få det publisert på bloggen. Sikkert tungvint, men eg gjorde det slik for å få betre kontroll over layout i artikkelen, -tekstredigeringa, bilettekstar osv.

Eit utkast til oppgåvesvar i leksjon 6

Leksjon 4 Digital konstruksjon

Slik,- då er bileta på plass. Takk til Kjell!

Eg starta for nokre veker sidan med friskt mot med tanke på å modellere bustadhuset vårt i Sketchup, men oppdaga etter kvart at her var utruleg mange vanskelege vinklar. Eg gjekk deretter over på skulebygningen. (avbilda). Ein lærerik prosess der eg har gjort meg ein del refleksjonar:

1) Det er ei flott oppgåve for eldste trinn i barneskulen å ta bilete av hus, lagre og bruke biletet som utgangspunkt for arbeid i Sketchup.

2) Huset må vere særdeles enkelt bygd, -leikehytte, pumpehus, utløe, fuglehus eller liknande.

3) Videkanon er eit bra undervisningsmiddel i startfasen.

4) Arbeid i Sketchup krev nær oppfølging av den enkelte elev.

Då eg skulle lagre som anvist i leksjonen, fekk eg feilmelding (bug splot) i programmet. Det same var tilfelle då eg prøvde å lagre det som film (etter Lilja si anvisning). Sketchupmodellen min let seg kort sagt ikkje eksportere. Antiklimaks!

Prøver å sende den som vedlegg på E-post til Kjell / Torbjørn.

Sjå diskusjonsforum på Fronter

Eit diskusjonsforum ndgj. Leksjon 2 er lagt på Fronter. Eg har testa det ut litt....

Leksjon 2, Nokre refleksjonar i forhold til presentasjon av materialprøver

Førebels tankar som gjeld utforming av materialbibliotek.

Presisering:

Eg lagar eit materialbibliotek med tanke på bruk på mellomtrinnet der eg for tida underviser. Biblioteket vert laga for å gje kunnskap og tankar om val av teksturar med funksjonell eller dekormessig bruk innan arkitektur.

Eg set meg som mål å lage å lage litt over 20 prøver, med ca fem i kvar hovedkategori: Tre, papir, stoff og "andre" som i mi samling betyr saga stein, metall, og transparente stoff.

Kasse:

Ca. 20cm x 20 x 62. Veggene i kassa vert sette saman av materiale med ulike strukturar og teksturar på alle seks sider. Oppdeling: Sjå skisse.

Tenkjer meg pr. i dag kryssfiner på eine langveggen, reiskapsbehandla (v-jern) furu for å gje illusjon av bordkledning på andre langveggen, "rekved" på eine kortveggen og gjerne endeskiver av einer på andre kortveggen. Lokket blir av plexiglas.

Eg tenkjer såleis at sjølve kassa / eska har ein funksjon i presentasjonen.

Langs eine langveggen er det plass til ei eller fleire presentasjonsplater som skal ha samtidig plass til fire kvadratiske teksturprøver på ca. 12x12 cm eller der omkring(som altså heng "på spikar" for å kunne variere mellom prøvene. Denne presentasjonsplata er ca. 60cm lang for lett å kunne montere den på gipsvegg som eit "fast" dekorasjonselement. I presentasjonen lagar eg eit kvadratisk hol på ca.10x10 for å kunne vise dei transparente prøvene.

Eg trur eit slikt materialbibliotek for mellomtrinnet, bør vere enkelt og gje døme på materialprøvar som elevane kan velje ut frå kunnskap og tankar om funksjon og dekor.

Når det gjeld kategorien tre, har eg på mellomtrinnet lyst til å vise og undervise om forskjellen mellom fire av dei lettast tigjengelege treslaga våre, furu, gran, bjørk og einer,- i arkitektursamanheng. Difor vil eg ha med alle desse fire tresortane som ein start i trekategorien. Eg vel vidare å gje nokre fleire døme på materialprøver av einer. Dette gjer eg for å vise eit eksempel på ulik bruk i høve bearbeiding av eit materiale. Valet av einer til denne eksemplifiseringa er gjort på grunn av lokalt lett tilgjenge på kraftig og tørr einestaur, - lett å bearbeide også på detaljnivå (seig og sterk) og med ein "passeleg" fin trestruktur som er grei å bruke i modellsamanheng. Og ikkje minst er den eit glimrande døme på at når det gjeld bruk og oppleving av teksturar, brukar vi mange sansar: Lukta av einer, gjev velvære i sinnet!

På ungdomsskulen eller vgs ville eg nok ha konsentrert meg om berre eit treslag for å eksemplifisere ulike bruksmåtar ut frå val av teksturbearbeiding / ikkje bearbeiding av dette eine treslaget.

Leksjon 3. oppgåve 2

Trefuturistiske bygningskroppar. Hovudform: 8x8x13 cm. Trekke ut og legge til enkle tilleggsformer som er mindre enn hovudforma. A3-format.

Leksjon 3, oppgåve 4

Topunktsperspektiv med høg horisontlinje. Teikna på A3: Eit rett gateløp med hus på begge sider av gata. Frihand med linjal til hjelpeliner og støtte på sjølve teikninga.

Refleksjon: Dette var ei spennande og utfordrande oppgåve for ein urøynd. Husa på "mi" side av gata steig ikkje opp så lett som eg tenkte dei skulle gjere. Her er eit av utkasta mine.

Teikninga er scanna på kopimaskin på beste oppløysing. Likevel ein del detaljar som vart vekke undervegs.

Leksjon 3, oppgåve 3

Enkelt interiør. Sentralperspektiv. Frihand med hjelpelinjer

Leksjon 3, oppgåve 1b

Fyrstikkeske, topunktsperspektiv med låg horisontlinje. Frihand med hjelpelinjer

Leksjon 1, oppgåve 1a

Opa fyrstikkeske i topunktperspektiv, høg horisontlinje. Frihand med hjelpelinjer

Utprøving i undervisning

Eg har arkitektur "på programmet" i mi 6./7.klasse no. Eg gav dei då ei tilpassa garasjeoppgåve der eg brukte same teikninga med same mål som vi fekk utdelt.

Elevane lagar no skisser før dei skal lage seg ei arbeidsteikning med bruk av målestokk, truleg 1:25. Seinare skal dei lage bustaden. Eg tenkte at dei kanskje kunne lage bygget som gruppearbeid, men, nei,- dei ville lage kvart sitt hus. Brukar då kryssfiner til botn, stenderverk i list, Biltema oppfyringspinnar til utvendig paneling mm. + papp, tapet,- ymse overflater inne. Her trengst det lim, mykje lim

Første to timane gjekk som ein røyk.

Leksjon 1, heimeoppgåve 4

Garasje, plan

Garasjen ser ut til å vere isolert bra (15cm vegger). Eg vel å utvide garasjen littegrann ved å ta vekk garasjeporten og kjøpe eit vinterhagesett (isolerte element) Før det har eg støypt golv på tilbygget og legg varmekablar i heile garasjen og sler på avrettingsmasse, legg parkett og set i gang med å setje inn fleire vindauge, samt dele av arealet i gang / vindfang, kjøkken, bad, soverom og stove. Alt blir litt lite, men stort nok også for eit lite studieår. Senga er på berre 120 cm,- også det stort nok når fruen kjem på besøk. Skap og møblar er heimelaga der standardmål ikkje er mogleg.

Stresslessen med skammel er plassert ved dei store skyvedørene og kan lett flyttast ut mot den fleksible vinterhagen. Denne er i lett demonterbare element. Praktisk i varme vårmånader og nødvendig for å få godkjent bruksendring på garasjen. Må seie eg er imponert over etat for bustadgodkjenning i Volda. Det ser ikkje ut til å vere nei i deira munn. Her skal eg nok trivast, - ei tid

Leksjon 1, heimeoppgåve 4

Garasje, fasade

Leksjon 1, Heimeoppgåve 4

Garasje, snitt

Arkitektur - Leksjon 1 - del av oppgåve 5

Etter 4. årstrinn skal elevane m.a. kunne planlegge og bygge modellar av hus og rom ved hjelp av digitale verktøy og enkle handverksteknikkarDei skal dessutan kunne teikne hus og rom sett rett ovanfrå, rett framanfrå og rett fra sida.

Etter 7. årstrinn skal elevane m.a. kunne byggje modellar av hus i målestokk med utgangspunkt i eigne arbeidsteikningar. Dei skal også få montere utstillingar og andre presentasjonar i ulike typar rom.Dei skal studere og vurdere ulike typar hus og bruken av desse i nærmiljøet.

I faga matematikk skal elevane etter kvart kunne bruke måleeiningar og målestokk rett. I norskfaget skal elevane kunne gjere greie for tankar og idéar skriftleg. Dei skal kunne skrive rapport over ein arbeidsprosess og utvikle fantasi og skaparevne.

I samfunnsfag og naturfag finn vi fagmål som går på lokal arkitektur og bruk av naturmateriale i ein skapingsprosess.

Det er innlysande at ei oppgåve liknande som ”garasjeoppgåva” vil vere medverkande til å kunne oppnå dei faglege måla. Spesielt trur eg det er svært lærerikt for elevane å jobbe med ”teori”, dvs. matematikk, norsksjangrar og handverksteknikk i samband med praktiske oppgåver som denne. Slike oppgåver gjev også sterkt rom for kreativitet og til øving i munnleg samtale om faglege problem.

Presentasjon av teksturprøver

Etter å ha lese gjennom leksjonen /oppgåva om tekstur, melder følgjande tankar som gjeld oppgåveløysing seg:

• Montere teksturprøver på t.d 10x10 cm t.d på ei svartmåla bjørkefinerplate på noko størrelse: 40x50 cm for at platene kunne vere dekorelement på formingsrommet, altså ikkje ligg gøymt i ei kasse mellom kvar gong ein "har bruk for det."
• All info må då vere på baksida. Det meiner eg den uansett bør vere. Spennande for elevar å lure på kva dette er. Korleis er denne ruta laga?
• På vår skule har vi steinsag / slipeutstyr. Kva med å skjere tynne lag av marmor, kvarts osv,- montere på plexiglas el.l. og lyssette i ei lyskasse på veggen. Prøvene er jo delvis gjennomsiktige. Fin effekt. Liknande prøver kan gjerast av anna materiale som slepper lys gjennom (tynt tre av ulike slag)
• Lage bilete / teksturprøver der symaskina er brukt som teiknereiskap. Kan monterast på vindauge eller henge fritt i rommet.
• Elles melder jo det seg ein sterk tanke om at her ( i vår studiesamanheng) må arbeidet avgrensast i omfang.
• I barneskulen ( der eg jobbar) er det lite poeng i detaljerte forklaringar på kvar prøve. Dette må vere veldig enkelt. Døme: Einer,-, endeved glattpussa. Kva fortel årringane? Kjenn på lukta!
• Bør kanskje bruke forskj. materiale som bakgrunn / underlag alt etter om det er teksturar på stoff, stein, tre, papir eller anna vi vil vise?

Heimeoppgåve 3

Arbeidsteikning av fuglehuset i oppg. 2

Eg har ikkje kome fram til nokon fornuftig løysing for samanføying når alle sagsnitt skal vere i 90 grader. Eg står fast og blir lett sur viss eg må prøve ein gong til. Forslag?

Heimeoppgåve 2

Fuglehus med to etasjar
Plagdest litt med takvinkelen (Laga først ei teikning med vinkel i mønet på 45 grader) Det huset vart for så vidt ganske fint. Laga så eit styggare med takvinkel på 45 grader. Det er avbilda her.

Heimeoppgåve 1

Hus med vindauge